لاجيتو رحيمه

ياالربع لاجيتو رحيمه فسألوو
أمانة المرسول يا رسايلي

تخبّرو ياربعنا وتمهلوو
وتنشّدو عن بيت فهد الوايلي

من لابتٍ يتلون فيها ماتلوو
هم وايله هزّافِة الخمايلي

فذا عطيتوه الجواب ( أتوصلوو )
وأخذو( كرامتكم ) على عجايلي

خلوه يزّمل في لزومي وزّملوو
وقولوله أن ضيمي غلب صمايلي

يافهد ياخوك الزمن حامض..حلوو
وأنا تحايل والزرى تحايلي

شدو من الضيقه عربنا وأنزلوو
في واديٍ من رحمة الله سايلي

راحو وراح الدمع يسقط من علووو
وألارض ضاقت وأبركت رحايلي

وأهل المساجد في منابرهم تلوو
آيات ربك محكم النزايلي

قل للرجال أللي من العز أنهلوو
الآد مطلق وافي السلايلي

حنا لهم وهم لنا وان فضّلوو
طيب الفعول تكرّ ِم السبايلي

حلفٍ لكبّرنا لطيبه هللوو
ورث الجدودالسُبّق ألاوايلي

أوجيه يام أللي حموها واحملوو
أهل الصعب ماهم بهل سهايلي

غنت لهم بيض الوفاء واتجملوو
وأهل المثايل غنّو المثايلي

وأنا من أللي في المراقيب أعتلوو
أللي يشلون أثقل الثقايلي

تحل صملات العداة أليا أصملوو
وأهل الجموع ..متعبة ألاصايلي

أجّنِب لاشفت إن الهلايم شمّلوو
وأعز حلفي ..وأحتمي قبايلي

ولا أعترف في سالفة برج الدلوو
ولاحبل وأطيح في حبايلي

ولا ني مدبّر قفاي ألما أقبلوو
طويل والله لايقصّر طايلي

كم لمةٍ تقول سوو.. وأفعلوو
لعل أضيّع في ألسماء دلايلي

وأللي بلوني دون سبه وأبتلوو
عجّزت حلولي..وأقّصرت بدايلي

والظلم جهل اقلوب عادو وأجهلوو
ومايعدل السيف الجدار المايلي

ومن يدّعي من غير مايثبت ولوو
مامعه مايثبت يسمّى عايلي

لو السلوم تباد..وأهل الله جلوو
وضاع أمعروفي ..وأجحدو جمايلي

مارحت أحسّب ماكليت وماكلوو
من دون وجهي فاردٍ صقايلي

وموبايلي لادق : لقّيته آلوو
كم من مطمّه جابها موبايلي ؟

أحدٍ على صداقتك يدفع خلوو!!
وأحدٍ عليك يدوّر الجهايلي!!