جسوور الجفاا

للترف خيل غدا مركاضها صدري
وطيور شوقي غدا مقيالها عيونه

لبا جفونه ولبا طبعها الخدري
ولبا سواد رقد في خدري جفونه

أثره بضحكة سنونه حافر قبري
ولا كنت أظني باموت بضحكة سنونه

شرهة متونه على شلالها الخمري
وان نثرته الهبوب ...مرده متونه

جيت اجبر الكسر لكنه كسر جبري
مجنون والحظ ساقه يم مجنونه

يتفنن بلوعتي....واتفنن بصبري
حتى غدت لوعتي من أجمل فنونه

لارحم ابو حظ ساق الهجر من بدري
وشيدجسور الجفا من دوني ودونه

واقفيت لاني ضرير...ولاني ببصري
اليا منعني الحيا..ساقتني المونه

وجهمت اسوق الخطا في الدرب وأهذري
(تكفون ياللي خذوا خلي تردونه)

أبطى...وخلى سؤال يلهث بفكري
مدري يصون الغلا؟..مدري هو يخونه

ويوم اني أسج بين ادري.. وما ادري
عقب البطا.. جا يقول :الدار وشلونه

قلت انت: دارك هنا.. وأشرت على صدري
قال انت: دارك هنا واشر على عيونه