زوبعه!!

لـ علي الخوار، ، بواسطة منيره العبسي، في غير مُحدد

زوبعه!! - علي الخوار

ما اعتدت أجادل شخص ميت ضميره
إنسان ماتت به مفاهيم الانسان

أنا مع أهل الطيب لي ألف سيره
والا انت ما لك مع هل الطيب عنوان

يا اخوي لا تسبح بحور غزيره
أخاف اشوفك يوم في اليم غرقان

يا اخوي بعدي عنك بالفعل خيره
ارتحت من هم على صدري أزمان

إحذر رحى لسانك بذكري تديره
بالشر .. والا حتى بالخير يا فلان

خذها نصيحة لك .. وكلمه أخيره
ما في البدو واحد مخادع وخوان

إبعد لسانك عن سيوف العشيره
لا تصبح اسنانك تدور لها لسان

نحنا كبار .. لنا نفوس صغيره
والا انت مثل الزوبعه وسط فنجان

© 2023 - موقع الشعر