وحــشـتــيــنــي - علي الحيدري

ايه أبكتب وأقول أنك وحشتيني
وحشني عطرك اللي يطري بهوآك

وينك ووين دفا حضنك يدفيني
برد الاشوآق تسكني وتطلب دفاك

تعالي ومثل الطفل بيدينك لميني
ولا تخافي ابفرح وأضحك معاك

وإن مره بكيت ما ابيك الا تضميني
ضمه تشعرني بلطفك ورقة وفاك

وإن سكت افهميها يعني بوسيني
بوسيني وبمسح بلساني بقايا شفاك

وعلى كيفك وين ما تبين حطيني
كيفك امامك امامك وراك وراك

وبراحتك وين ما تبين تأخذيني خذيني
وآثق بحنانك اللي ربي عطاك

على صدرك بنام وبشعرك غطيني
ايه غطيني غطيني يامحلآ غطآك

بنام لين شوقي لك يصحيني
ويالهفة الشوق بصدري يوم ألقآك

أبي حبك وأبي قربك يحتويني
وأبي الهمس بعيوني يحيلك غلآك

آه ليتك تعرفين قدرك بعيني
عيني ما تشوفك بشر تشوفك ملآك

مافيه شي غير عيونك يلهيني
ورمش عينك يسحرني بنظرة هلاك

محد ولا احد وصل قدرك وديني
كأنك القمر بروعتك وقوة ضيآك

وحدك ولا أحد غيرك متفرداً فيني
وما عاد فيني شي ماتركني وجآك

فخلي عنك الكبر والعناد وجيني
وشوفي بعينك شكثر أنا ابغآك

صدقيني دآئي غيابك وبيدك تدآويني
فرحيق فمك مزآجي وعلاجي رضآك

لبي عيونك اللي فيهم سحرتيني
ولبي جمآلك اللي ربي هبآك

أبيك تضميني اذا أنتي تحبيني
لين ضمك يذوبني على كف يمنآك

وإن بغيت اجري في دمك لا تخليني
خآيف انتشر فيك وشوه حلآك

طبعي الوفاء وبالغيره ربي مبتليني
وبلاني الله بالعشق وبعشقي بلآك

حيرتني الاشوآق ماأبيها وهي تبيني
كأنك الشوق وأنا ارضك وسمآك

كلما اصمت هاجسي لك يوديني
وأجيك وبيدي قلم يحبك ويهوآك

وياويلي يوم اكتب بدموعي وحشتيني
يتمزق القلب وأدعي الله يرعآك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر