قمريه

فاتح للاحزان .. عوج النوح بحريه
‍هذا المدى مابه اي اجواء غراده

تمرني ذكريات البال مقريه
‍عمر و حنين .. وملل متشعب زياده

بي عبرةٍ تصطفق عميا وعبريه
‍دام المواجع مواجع والحزن ساده

هذا الشعر له ثلاث سنين هجريه
‍يلعن سيوف الغياب .. وصهوة جياده

يلطم من الشوق فجريه وعصريه
‍متشبثٍ بالنحيب ومعلن حداده

ذويت واللي .. تهامى في مساريه
‍يسقي عمر من غياب ويقطف اعياده

ماحسسّته الطواري في حواريه
‍اني صويب الغياب وغفلة زناده

يبلاه ربي اذا دنياه زهريه
‍بلوى عيونٍ خذت هذا السهر عاده

من زل عني سواقيه ..و بختريه
‍وانا خوي النهيد و صوت مياده

مافيه مسرى ولا لي فيه فجريه
ماغير اخبيه عن فرقاه وعناده

‍طيرت له من رفيف الحب قمريه
تصدح بليا مواسم .. شوق فبلاده

‍ياساحل الطفل بعض البيد مسريه
‍لا تصبحه بالغرام وتخلف رقاده

توه تحرفن بلاه بكل حريه
‍توه تفرعن غلاه .. صويحبي ناده

تو ه وتوه .. متى والنود سريه
‍ماجاهر الا هبوب الشوق ب فواده

هذي دروبي وراه تموت فقريه
‍واتوهم المر منها سكر زياده

وياليت تنفع لو الاحوال مبريه
‍سجدة سهو لا التهت جبهه ب سجاده