ايمه - عبدالله حمير القحطاني

آيمه .. صرت طير بدون ريش
بعد مامتي .. وطاح اكبر سنااام

ولا هقيت اني اذاغبتي بعيش
يوم صار النور .. بعيوني ظلااام

يا غشيش الوقت .. وش بك ياغشيش
تاخذ امي قبل توديع .. وسلااام

وليش حظي طول عمري .. شين ليش
منحرم منها كبير .. وفي الفطااام

فارقت بشويش .. واكثر من شويش
في نهار .. مات معها الابتسااام

من هنا وهناك وهنيا .. عليش
دمعة .. ماخلت عيوني تنااام

كانت امي نبض .. في صدري يجيش
وضحكة تملى عيوني بالكلااام

كانت امي انس .. في ليلي الوحيش
وفي ثراها ادفن اجروحي .. القداام

وغابت .. وجتني كبار الهم جيش
وكبرت اوجاعي .. وشديت الحزاام

ويش يسوي العمر .. او العمر ويش
بعدها يسوى .. ونيراني ضراام

ماتت امي .. بعدها وشلون اعيش
والليالي كلها ظلم .. وظلااام

© 2024 - موقع الشعر