لبيه - عبدالله بن عزبين المري

لبيه من قلباً من الحب ذايب
يالغالي المحبوب ياسيد الاحباب

ياللي بوجودك جرح الايام طايب
ومن الغلا بأنفاسك تفوح الاطياب

عليك من ربك جزيل الوهايب
كل الصفات الطيبه فيك تنساب

أبشر بعزك فالكرب والنوايب
لجلك تذل ارقاب واتعزز ارقاب

والله مايرجعلك الظن خايب
ووالله ماحبيتك بقلب كذاب

أغليك يا اغلا من الاهل والقرايب
وأفتح من اجلك في فوادي مية باب

شباب لكن جيتك بعقل شايب
واحسب علشانك من العالم احساب

ماني مغامر فيك لجل المعايب
يلقى عليك الفرصه ويكشف احجاب

قلبي معك ماغيّبه عنك غايب
وعقلي معك ماشده الفكر بغياب

فديت راسك عد ذاري الهبايب
وفديت ماتاطا اقدامك من اتراب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر