تدلل

تدلل والله إني ماشيٍ في رغبتك ورضاك
ولا عمري عصيتك وأنت تامرني وتنهاني

لك الله ما خلق بالكون مخلوقٍ يجي حلياك
أبد لله ما به شخص غيرك هزّ وجداني

حياتي يا حياتي في يدينك كلها تفداك
تمون بطيبتك يا اجمل بشر شفته وعنّاني

خذيت من الظبي عنقٍ تميز به على من جاك
وخذيت من الظلام الليل الاسود فوق الامتاني

وخذيت من البدر نورٍ تعلاّ حاجب محياك
ارحب كل ما شفتك واكذّب نظرة اعياني

أنا في غيبتك عني تجيني صورتك منّاك
ولا به يوم طيفك غاب عن عيني وخلاني

ثمان سنين والفرقا تحداني على لاماك
ولكن إن الصبر عندي عظيم ويجبر احزاني

صبرت وطال صبري واثمر المجهود يا محلاك
وجيت بجيتك زانت لي الدنيا والاوطاني

يا اجمل من خلقه الله بهالدنيا وانا لولاك
ما غنيّت القصيد ولا كتبته وانت تقراني