سلم المحبيني - عبدالله بن هويدي العدواني

تعبت اتبع كلام البدو في سلم المحبيني
يوصون الهواوي في تعلي نايف البرقا

وأنا ماسك وصات البدو يابندر من سنيني
ماغير ادور طوال الرجوم العاليه وأرقا

أجر الصوت في هاك النوايف كود يوحيني
وليف" مسرفن بي فالهجر والبعد والفرقا

رحل واتلا العهد به يوم قفا ناعس العيني
يسب الحظ وعيونه من دموع القهر غرقا

حدوها عن طريقي والزمن والحظ حاديني
وانا من يومها والنار تحرق خافقي حرقا

دعيت الله يجير الصدر من هم" لجا فيني
ليا منه صطابي قمت الاحي نايح الورقا

انا لامن طرى في خاطري سيد المزاييني
ذكرت الي يقول ان العذارى بينهن فرقا

كذب من قال ان الرجم عنها يب يسليني
في راسه ماطرالي غير بعد الجادل الطرقا

الا يا بدونا مادام ذا سلم المحبيني
اجل من يبغي الموت يتعلا نايف البرقا

© 2024 - موقع الشعر