مطير - عبداللطيف المطيري

ياهاجسي رف الجناحين ثم طير
فوق السحاب اللي نشوفه سماوي

بوصيك يومنك تسوق التباشير
على البدو ياهاجسي يالنداوي

أسلم وسلم لي على ربعي مطير
اللي لهم بين العرب صيت ضاوي

أهل الصفر والشعل واهل المغاتير
واهل الفعول اللي بليى حكاوي

واهل الثلاث المعجزات المشاهير
اللي حكى عنها من الناس راوي

علوى علت بافعالها والمناعير
من فوق راس بليس وبليس غاوي

وبريه ما اوفيها بزين التعابير
حيث إنها عز الرفيق المخاوي

وإلا العبادل ماتحسب المخاسير
وافقرهم اللي للمواجيب هاوي

ياعلهم دايم من الخير في خير
وعدوهم تبرك عليه البلاوي

ماقول في باقي القبايل مقاصير
النعم بيتٍ للمطاليق حاوي

© 2023 - موقع الشعر