ياصاح - عبدالعزيز السعود الصباح

ياصاح لو طال الرجا وانتظاره
يأتي الفرج واصبر على كل ماصار

خلها على الله حكمته واقتداره
بيده يسوي مايريده ويختار

شيء احسه ماطلبت أختياره
لكن فرض نفسه وأنا فيه محتار

سيل من الشكوى قوي انحداره
يدوي بصوته داخل الصدر هدار

تضحك لي الايام تاره وتاره
تضحك علي وكلها وعد وانكار

والعمر يجري ليلته مع نهاره
وانا على مايشغل البال صبار

في عالم كل شكا من دماره
اسمع وشوف بكل يمه له آثار

ناس سعوا بنفوسهم لانهياره
من فعلهم كله ماسي واخطار

اعمالهم ماتنوصف بالخياره
لكنهم في داخل الثوب اشرار

هم اظهروا للناس ثوب الطهاره
لكنهم في داخل الثوب اشرار

شيء عرفته من بداية اخباره
من يسمع الموجز عرف نوع الاخبار

لو كان ما اعلم بخافي اسراره
لكن تطل بروسها بعض الاسرار

قالوا كلام به لطيف العباره
بحلوقهم لكن على الاذن مسمار

ارفض كلام تسمعه للاثاره
قالوه ناس بالدعايه لهم كار

لاعجبك عشب المراح ابخضاره
لو كان عشبه زاهي فيه نوار

شوف الفلك داير بنا في مداره
وصغار صاروا به مشاهير وكبار

ماكلهم فازوا بها عن جداره
لكن حظوظ وصاحب الحظ يختار

من هان هانت قيمته واعتباره
والمرجله يبغى لها عزم واصرار

والعز مايأتي رخيصة اسعاره
له واجبات دونها ذكر الاسعار

جود وسهر والحق يأخذ قراره
ويهون من دونه لنا بيع الاعمار

والعز لك سور قوي جداره
يحميك من ارضك وعرضك من العار

من كان عنده بالسياسه مهاره
ماتسنده قوة امانيه تنهار

مثل الذي يصنع وعنده شطاره
حداد لكن موقده طافي النار

بحر السياسه ماسبرتم اغواره
لكن على سطحه تمرون عبار

ماكل طير يطير يصلح اصقاره
الحر الأشقريبخصه كل صقار

لو كل من الناس طابت اذكاره
ماكان يذكر من حوى الطيب الاذكار

ترى اول الفتنه سوات الشراره
ذا علقت في غيرها شبت نار

يفرض علينا دربنا في مساره
غصب علينا مالنا حق نختار

وين الشهامه والكرم والخياره
وين العقول الرجحه وين الابرار؟

من يزرع المعروف يحصد ثماره
واللي زرع شر واذى يحصد العار

شيء انا شفته يعمد غباره
واضح لعيني مارصدته بمنظار

يارب سترك من نتايج اخطاره
استر علينا من صواديف الاقدار

ما اقدر اقول اكثر وهذي اشاره
والحر يفهم والغبي فيه يحتار

ولا بيننا يحدث شقاق واثاره
يحزن لها المصلح ويفرح بها الضار

مثل الذي دايم يصلح بداره
يبني جدار وينهدم غيره جدار

كونوا لها سور جديد عماره
هو سورنا الرابع وهو سور الاسوار

ماكل جار لك يسرك جواره
جار بنا جاير وجار لنا جار

اللي وقف معنا وهو بالصداره
مع لابته اهل النواميس الاحرار

في موقف له نذكره باعتباره
طوق يلف ارقابنا طول الاعمار

واهل الخليج اهل الكرم والخياره
النعم بهم هم كلهم عز وستار

مثل الاهل مافيه فرق وغياره
ماكن حنا للميامين خطار

ياليت مايذهب كلامي خساره
ويا مهب الريح في عج وغبار

وان كان من حسن الكلام اختصار
اقولها كلمه لها وزن وعيار

واختم كلامي في صحيح العباره
تلفتوا في بعضكم ياهل الدار

ياصار لو طال الرجا وانتظاره
يأتي الفرج واصبر على كل ماصار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر