رسمتك. لـ عبدالعزيز الدوسري

رسمتك - عبدالعزيز الدوسري

رسمتك لوحة الذكرى رسمتك حلمي اللي مات
كتبتك جملة حروفي بوسط الجوف تكويني

ألا يا قصة الماضي ألا ياعمري اللي فات
ألا يا حسرة سنيني كفى بالبعد تشقيني

ألا ياكل من حولي الا يادلوعة الدلوعات
ابي قربك ابي عيونك اناجيها وتناجيني

انا قلب بوسطة قلب انا آه تشيل آهات
انا من باعني وقتي وقلب الخل جافيني

انا وقتي ظلم قلبي وانا حزني بصدري بات
وانا لو هو صفا خلي بكل الخلق يكفيني

وانا ماخذت من وقتي سوى همي مع الدمعات
انا وشلون ابرضى من رسم دربي يخليني

انا مقدر اشوف الوقت يسرق فرحتي بسكات
ابيها تعطر ايامي على دربك تخاويني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.