الله واكبر حق والدين دينه
ابيظت الايام والا غدن سود
الواحد المعبود مجري السفينه
امقدر الاقدار شاهد ومشهود
هذي عقيده بالدماء عاقدينه
والله ما نذخر لها شي موجود
الله واكبر يالحروف الثمينه
(إنا كفيناك) اسعدت كل ملهود
والمصحف اللي من تصفح معينه
ماهوب محتاج لنقصٍ ولا زود
لكن مما بي على أهل الضغينه
اللي بهم جاهل وحاقد ونمرود
نمرود شاف الناس بطبوع عينه
فتح على شلة خنازير وقرود
هذا هو الحاقد يساره يمينه
سيف المكيده دايم الدوم مجرود
وهذا هو التاريخ عادة سنينه
ابو لهب والا دنمارك ويهود
الله مع اللي هاجروا للمدينه
قصه لها تاريخ وامجاد وشهود
تاريخها مكتوب ومسجلينه
ونهايته في يوم للخلق موعود
ولو قلت والله ياجماعه غبينه
نشوف راع الحق مبعد ومطرود
ذكرت جناته وحورات عينه
وما تشتهيه النفس عنقود عنقود
وذكرت هالدنيا بلبنه وطينه
يبدأ شقاها بالبكاء وانت مولود
اقولها للي عيونه حزينه
اللي تحن من الغضب حن مفرود
عينة وفاء يا وي والله عينه
عينة وفاء والخير بالناس موجود
ويا راسمين الشر يا كاتبينه
الا الرسول اللي بذل كل مجهود
وختامها صلو بوقته وحينه
على محمد منهل الخير والجود
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.