زمــن فانــي !!

غريبة حالة الدنيا عجيبة حالة الإنسان
أشوف اهوال خلق الله وأبعثر فيها أحزاني

وحزن(ن) يكبر بقلبي بعد حزن(ن) وراه أحزان
وانا والله مايطفي لهيبي غير نسياني

يقولون الفرج يقرب بعد صبر(ن) بعد سلوان
وانا سيف الصبر يطعن فوادي .. يغزي شرياني

أشوف الفلس يهدم بيت ويرخص عزة الإخوان
وكل(ن) يجمع الأرقام قاصيها ورا داني

وكل(ن) يحسب انه فوق ويحسب نفسه الربّان
اقي الناس اتباعه وعقله فوق الأذهان ِ

واشوف الخمرة مسكوبة في كل كاس(ن) وكل فنجان
وكل(ن) يحتسي كاسه ويعيش بعالم(ن) ثاني

وكل(ن) حالته حالة كما صفحة بلا عنوان
ودمع(ن) يفضح الآهات ويروي كل ظمياني

طمع يبعد قلوب الكل جشع يستملك الأذهان
وهذي حال دنيتنا وكل(ن) فيها متفاني

لعنك الله ياكافر لعنك الله ياشيطان
لعنك الله ياظالم بلا قطره من إيمان ِ

غريبة حالة الدنيا عجيبة حالة الإنسان
وهذي حال دنيانا وناس(ن) في زمن فاني