لا سقى الله

لا سقى الله جيتي صوب بيتك يوم جيت
زادت العلة وأنا طارش قضاي شان

يا وليفي كل ما جابك الطاري بكيت
أتذكر صافي الحب منك والحنان

انتحيت لنجد عني وأنا عنك انتحيت
كل ما قفى زمان يجي عقبه زمان

والله ان قضي العمر كله ما نسيت
وإن غلاك بداخل الكبد ضاق به المكان

كل ما قلت أقدر الصبر منك ما قويت
مثل مقروع من الماء وهو عاده ضمان

جزت عن غيرك ومن جملة البيض انتهيت
من بدا المشراف ما عاد يقنع بالطمان

جات بي الأقدار للبيت وأنا دريت
جية صارت لروحي عذاب وامتحان