ذبحني وليفي - عامر بن نوطان

علي من غرابيل ذا الزمان صدوف
ولا باح سدي لين بانت بي الخله

جرت دمعة العين الحزينة على المكشوف
وسدي تبيح وانكشف تو خلق الله

ذبحني وليفي يا هلي والعيون تشوف
تداينت عاده يحسبني رفيق له

تحكمت بي وأسرفت يا ضامر السرجوف
وعذبت روح سلمتك امرها كله

يقولون لي طالت لياليك وانت تسوف
وأنا أقول شي جايز لي وطرب له

دعوني بهذا الحال وانتو هل المعروف
معافين ما تدىون عن صاحب العله

وليفي عليه من الخشوف الدقاق وصوف
إلا دار خشف الريم كنه وصيف له

إلا واجه اللي فاتن صار عنده خوف
بعينه سيوف تكبر النفس بالذله

نشف زرع قلبي واحترق عشبه المصيوف
ذواري هبوب الحل صارت نفاد له

طوال الرجوم أصبحت في روسها مكلوف
أجاوب حمام الورق بالصوت والشله

يغني طرب وجروحي الخافيه في الجوف
من اللي عيونه هدبها سود ومظله

© 2024 - موقع الشعر