خاطري داروه - عامر بن نوطان

ونتي ونة خلوج مع وقت العتيم
وكدت مذبح ولدها وحالوا دونها

حالي اللي راحت أشجار وديانه هشيم
مبطي ما زيد دب الحيا بغصونه

لا جرى ماها ولا زيد حركها النسيم
من بطا الأمحال فيها تغير لونها

كاني مابي وأنا نخفي شي عظيم
وكل الارض اليوم ضاقت على ركونها

يا عرب تكفون من كان له قلب رحيم
كل نفس صابها الحزن لا تقصونها

خاطري دارود ياللي تدارون اليتيم
وإن بكت عينل من الدمع لا تنهضونها

كبدي اللي لاعها خافي الحزن القيم
كل ما قلنا تشالت تزيد طعونها

كل ما بريت جروحي من الحزن القديم
جيت دار حايل البطا من دونها

في الهوى حزات من وصف جنات النعيم
وفيه نار جملة الخلق ما يقوونها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر