بحر الندا

في الشيخ/ منصور بن مانع بن جمعة:
طلبت رب من ترجاه ما خاب

يقبل طلايب واحد مخلص له
يا قاك يا منصور من كل الأسباب

عساه ما يأتي بالأجواد خله
جعل السنافي ما يطول له غياب

اللي عليه نفوسنا مستخله
عساه يرجع للوطن عقب ما طاب

ونشوف كساب الثنا في محله
يباشر المقبل بهلا ورحاب

سهل الجناب مشاهده ما تمله
حسين خلق للرفاقه والاجناب

وكل العلوم الطيبه منهج له
وتزيد معه المرجله كل ما شاب

ما هوب من شيبه على الكبد عله
ديوان بيته ما يصكون له باب

له مجلس كل القبايل تدله
لا هوب هذارٍ ولا هوب سباب

وأمنين ما ثقل الحمل مرتكي له
للراية العليا وللطيب كساب

روس الجبال النايفه مدهل له
بحر النداء سقم العدا غير الأصحاب

بعيد شومات ودماح زله