المدح في فيصل - عامر بن نوطان

في الشيخ/ فيصل بن محمد بن شريم :
المدح في فيصل كثير شهوده

ومدح الردي بهتان واكبر خطيه
فيل سندنا لا عدمنا وجوده

شيخ عن التعريف نفسه غنيه
الله يجيره من شماتة حسوده

ويا قاه رب البيت من كل سيه
حاجة رفيقه من ليالي سعوده

ما يعتذر لو ساق روحه ضحيه
حماي للي ضاع قوة زنوده

حميته ما هي على جاهليه
أوصاه أبوه وهو بعد في مهوده

وحفظ الامانه ما تناسى الوصيه
حفظ تراث وارثه من جدوده

مع الكرم زيزوم وجه السريه
شرحه الى العليا وفوق صعوده

مع شرف نفسه معه طيب نيه
خطوات فيصل طلبه ومحموده

وجمايله جزله ونفسه صخيه
كل المعاني الطيبه من حدوده

مع طيب فعله نفسه العاطفيه
شيخ على الشدة كثير صموده

عزايمه عند الشدايد قويه
بيته كما عد كثير وروده

هذي صدير وذيك تأتي ضميه
للعزيا بيت كثير وفوده

يأتون له من كل فد ونحيه
سعد الضعيف اللي كثير صدوده

راعي الدسايس والنوايا الغبية
خاطي بخطي بخيل كل شي يكوده

ما ينفعك لو قلت يا أهل الحميه
معروف فيصل ما اذخر في ردوده

كما الليالي عادها لي مديه
© 2024 - موقع الشعر