من قدم الطولات

في متعب بن عبد العزيز ل سعود حفظه الله.
أحمدك يا رب عليك اتكالي

منشي السحاب من المزون المزابير
اللي حفظت اللي على الشعب غالي

له في قلوب الشعب حب وتقدير
أدعوك يا مرسي رفيع الجبالي

يا مبعد الاشرار عن فاعل الخير
يا واحد فوق السماوات عالي

بامرك يسير الكون حكمه وتدبير
عشنا مع الأوهام عدة ليالي

متحيرين بين هم وتفكير
نتابع الأخبار وش صار تالي

متكدرين لين جات التباشير
لا في يدي حيلة وقل احتيالي

بس اطلب الله لك عساها مسافير
ما توصف الفرحة بوشفك اقبالي

والشكر للمعبود والي المقادير
شيال صعبات الحمول الثقالي

والذخر إلا جات الليالي المعاسير
أحد يا ربي على طيب فالي

فرحت نفسي عقب حزن وتأثير
أقى على هوجا تجز الحبالي

بالشاهق العالي يحدد لها السير
برعاية الله نزلة وارتحالي

بحماية اللي يكفل الرزق للطير
يا ذخرنا واتنوا لنا راس مالي

لامسنا من بعض الأحوال تقصير
الأمير متعب يوم حل المجالي

قامت تهل دموع عيني شخاتير
من قدم الطولات عند الرجالي

يصير له بقلوبهم منزل غير
لزيارته لازم تشد الرحالي

لو كان من دونه بعيد المشاوير
فيك التجينا يا وثيق الحبالي

والشور عندك يوم عمست الأشاوير