عيد خمسة وعشرين - عامر بن نوطان

بمناسبة العيد الوطني.
يا الله يا مجري ذواري هواها

اللي لك عبادك صيام ومصلين
يا سامع الطلبة تحقق رجاها

تحمي الكويت من الحسد والشياطين
رفرف علمهما وارتفع في سماها

أم اليتامى والضعوف المساكين
حتى طيور الجو تسجع غناها

فوق النخيل وفوق خضر البساتين
نرفع لأمير الدار حامي حماها

التهنية في عيد خمسة وعشرين
شيخ الكويت اللي رفع مستواها

قاد المسيرة في جميع الميادين
قاد المسيرة والمعالي رقاها

وحصل على تأييد كل الصعيدين
وشعب الكويت ومن نزل في ذراها

وشيوخنا اللي عنهم الشعب راضين
نسل الصباح الله يثري ثراها

ما هم على الشعب الكويتي بقاسين
من حكم منهم كل جهده عطاها

حكم عدل ما فيه ميلة موازين
سيرة رجال وإرثتها ابناها

كل الخلف بآثار الأسلاف ماشين
تحيا الكويت ويسلم اللي بناها

يا سامعين دعوتي قولوا آمين
أم برور ما لنا أم سواها

حنا لها عند الشدايد وفيين
لها جميل ونلتزم في وفاها

مهما نجازيها علينا له دين
أم الفضايل كيف نقدر جزاها

عشنا على خيراتها أيام وسنين
عشنا على لذة هواها وماها

حناناها ذقناه والجانب الزين
للعزي يا دار كثير رخاها

مداتها تملا كبار المواعين
الروح ترخص لجلها من غلاها

من دونا بأرواحنا مستعدين
في ساعة الواجب نلبي نداها

ونقول مطلوبك على الراس والعين
ما كان غالي نجعله من فداها

والنفس والأولاد لو كان غالين
كر ترك داره وراه ونصاها

ما تنحسب روادها بالملايين
يا صعبها والله على من بغاها

كل يبيها غير أهلها معيين
نذود عنها ونتحدا عداها

ما حن لفضل أم الجمايل بناسين
خان الأمانة والشرف من نساها

من خان فيها خان الإسلام والدين
© 2024 - موقع الشعر