امك علي البير - ضيدان المريخي

يامترفه ما اقول اشوفك على خير
بس أذكرك بالخير يالياسمينه

حتى لو انك غير00واطلالتك غير
فجرٍ فهق لون المساء عن جبينه

واللي يقول انا هواي الغنادير
عز الله انك صدق تملين عينه

غيداً تشبين الولع بالتفاكير
يافتنة الغافل عسى الله يعينه

والخاثر اللي ما يجي منه تقصير
مدري وش اللي حال بيني وبينه

ضيفه ولك عندي كرامة مسايير
يذبح لك الخافق قبل تذبحينه

ما جيت اغني قصة( امك على البير)
ولا قلت ياويلي على البنت 00زينه

ما هو خطا حتى أقنعك بالمعاذير
هذا شعور اشواقي المستكينه

والخطوه اللي ماتمل المشاوير
سرى بها ليل الغرام وحنينه

لا تحسبيني من حساب المداوير
الريح ما حرك شراع السفينه

شاعر وتضحك لي وجيه النواوير
في ساعةٍ فيها الفيافي حزينه

اطلق خيالي للمسافات ويطير
حتى يلم الفكر في راحتينه

وأجي وتحفظني قلوب الجماهير
واغيب وتقول الجماهير وينه

انسان لكن في من نزعة الطير
احيان احس ان الفضاء لي مدينه

وأنا يابنت الناس حتى الازارير
أحسها مثل الدروع الحصينه

خليني ارحل في معزه وتقدير
يامترفه ماهو بأنا اللي تبينه

تمت الإضافة بواسطة : منيرة العبسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر