التوباد

الفضا / زمرة كواكب / كل منهم / في نضامه
والضيا / للشمس..والعالم / بَليّاها / حزين

والسؤال / اللي صفع / وجه الإجابه / بالعلامه
ما عمى / عيون السهارى / لين ثارت..عين / عين

كنّه / اللي يستفز / الجن / بعروق الشهامه
يجري / فْ عكس الرياح..وينطق بْ غير اليقين

كيف يعني / ماانتي بْصفه..ولا انتي / من مقامه
فهّميني / ودي افهم / كانك انتي / تفهمين

يعني لجل انّه / تمرجل / حط ْ على راسه / عمامه
وانتي / بْعفة عباتك / خلف همك / تركضين

صار هو / وجه الثريّا / في بياض المجد / شاامه؟!
صرتي انتي / بالثرى..والقاع..واسفل / سافلين؟!!

لا ياعيني / مو كذا المنطق..ولا هذا / كلامه
ما تفوّه به / زمان..وما تناقلته / سنين

كانه غروره / تسيّطر / بثّت سمومه / سهامه
في تواضع / كبريائك / ينحني غصب / الجبين

يكفي انك / لا وطيتي نجد / يتمايل / خزامه
إحترام / اجلال / فرحه..مع قدومك / من تجين

ان مشيتي..خيزرانه / وان تطيّرتي..حمامه
وان وقفتي / زيزفون..ولا قعدتي / ياسمين

في عيونك / جنتين ٍ / اسأل الله السلامه
وبْشفاتك / جمرتين ٍ..كل ما شبّت / تزين

جامعه / كل المحاسن..روزنامه / روزنامه
مو جمال..الا جمال / اخلاق / حكمه / طيب / دين

ما خبرت بْداخلك / غير الطهاره..واستقامه
تدحر / الشدّه..بَشدّه / تاخذ / الليّن..بلين

أرسلي / سجادتك..بالنور / يتساقط / ظلامه
أشرقي / يحجب ضيائك / نجمته من / تطلعين

لا تهمك عنجهيته / مزّقي سترة / قوامه
أضربي / عسر الدروب..وتحت خطواتك / تلين

لو بغيتي / تذبحينه / تذبحينه / ب ابتسامه
راس ماله / \;نصْف نظره\; / بس لو انّك / تبين

ادري سكوتك / معاني..وادري سكوتك / وسامه
وادري ان الصمت / حد الصمت موت / السافلين

لكن الطيب بْزمنّا / عيب..مطلوب / انعدامه
ما تحشّمه / العيون..ولا هو الشي / الثمين

ثوري اقبال انتمايل / مع مواويل / الندامه
لي متى / وانتي كذيّا / تستحين / وتسكتين

شدّي / لْجام اندفاعه /يرتخي..يتبع / لجامه
قصّي / اليد الطويله / ترتعد منها / يدين

كان تخشين / انتقامه / لا تخافين / انتقامه
جاك واحد / لو بغاها / يقلب..يْساره / يمين

بس يتجرأ / يضرّك / لآآتوطّى / في عضامه
لين يعرف / إن ربه / حق..والعدوان / شين

وانظري / ;سبع البرمبا\; / كيف يتحوّل / نعامه
مع رجال ٍ / ما تخاف الله / دون الظالمين

دام مو قد / الحمل / وشهو له يْوهق / سنامه
في حمل / لو كان فوق / جبال..خلاها / طحين

مابقى فيها / مجال / لْ مهزلة; / حب وكرامه
يا رجوع / بْذل..يا مرواح / ;قلعة وادرين

حاط دوبه / دوب حرمه..؟ / نعنبو جد / الرخامه
وين ودّته / الفتوّه..هاللعين / ابن اللعين..!!

لو حكى / لو قال مهما قال لو قل ّ / احترامه
انتي انتي / مثْل منتي / منْه تسوين / اربعين

ما يهزّك / يا لمى ;التوباد; / ريح ٍ من / تهاامه
والله لْيوصل / مدك..ويرجع / ب خفّي حنين

الكواكب..للفضا / ديكور في / حائط نضامه
والأصل / للشمس..والعالم / بلياها / حزين