الشعر الشعبي العراقي الدارميات2

هذة مجموعة من الدارميات

التي انتقيتها لكم

واتمنى ان تحوز على اعجابكم وتستشف قلوبكم الاوجاع من وراء هذة الكلمات

وسأحاول ترجمتها لكم بيد ان الاغلبية لا يفهمون اللهجة العراقية ومن سيقرأها سيلاحظ انها مثل الالغاز او الكلمات الخاصة بين العشاق التي لا يفهمها غيرهم مستغلين ذلك في صالحهم ليسألوا عن احوال بعضهم او توصيل عشقهم وشغفهم عندما تحول بينهم الاقدار

اترك لكم الحكم:

رش الدرب تيــزاب حافي أعتـني لـك

جا شـلي بالرجليـن الما تجي لــــك

(تيزاب هو الاسيد اعتني يعني اتعنى واتعب جا شلي يعني ماذا الما معناها التي لا)

الرد:

لو ترش مو تيــزاب لو تزرع ألغــام

اللحم خلـه إيروح أوصلـــك إعظـام

---

ويا النجم سهران وايدي أعلى خــدي

الليل أو ظلام الليل شو كلها ضـــدي

( الظلام او ظلام الليل دليل على فراق الحبيب الذي لا تستطيع رؤيتة او رؤية بيته حتى من بعيد)

---

إشما تقول الناس عندي أنته لول

سو كلشي بالدلال يالحلو مخـول

( انتة لول يعني انت الاول والاخير سو كلشي بالدلال يعني افعل ماتريد بقلبي يالحلو مخول يعني انت الامر الناهي والحاكم بقلبي)

---

شحجي وتريد الناس من عندي أحجـي

دمعتي إبطرف العين بس أحجي أبجـي

---

بيدك ضيعت ذيك الليـــالي

وبلحظه ما أجى أبعينك دلالي

---

شقيت ثوبي أعليك وصلته للنــص

جاوين قلبك أوياي صاير مثل جص

( شقيت ثوبي عليك كناية عن الحزن جاوين يعني اين قلبك اوياي يعني معي)

---

لاتهتم على الراح وي همك الراح

والعالي مو بالطول بالصبر ينلاح

( ينلاح يعني يوصل اليه)

---

يسألني البطران حالك إشلونــه

الغاضب الله إعليه هم ينشدوونـه

( البطران يعني الغير مبالي بحالي ينشدونة يعني يسألونة)

---

عبالي طيب زاد واعطيتك اعيون

تالي توج النار ويا اليكرهـــون

( عبالي طيب زاد يعني احسبك بصفي تالي يعني اخر توج النار تزيد من اشتعالها اليكرهون الذين يكرهوني او اعدائي)

---

سبحان امن خلاك تقسي ابغرامك

جانك اتداوي اجروح رقت كلامك

---

لدنيا بس وياي شـدت عـــداوه

ولا واحد إمن الناس لجروحي داوه

---

الدنيا ماتسواش لاتصفن إلهـا

عالطيب والمزيون يكثر حملها

( تصفن يعني تسرح)

---

الام تقول لحبيب ابنتها الذي ماتت حسره عليه :

بالك تمر بالدار عنها أشمر ابعــيد

دار العزيز اهواي نوح أو بجي اتريد

( بالك يعني انهاك اشمر بعيد يعني ابتعد اهواي يعني حبيبي نوح او بجي يعني البكاء والنواح)

رد الحبيب للام:

عمده ارد امر بالدار والنوح ازيده

واسمع صداها يقول راح التريده

( عندة يعني عند ونكايه النوح ازيدة ازيد بكاء المعزين اسمع صداها تعود على جدران البيت التريدة يعني حبيبتي)

---

حسـره إلك بالدلال ظـلـت لما أمـــــــــــــوت

ماتدري حقها الناس إصوابي بسكـــــــــــوت

---

كـلبي أرد أكـصه إبموس وأكوي إبمكانه

علمني إعله درووب كلهن مهـــــــــــانه

( قلبي راح اقصة بموس واكويه عشان يتوب اعلة يعني على دروب كلهن مهانة الا وهي دروب العشق وذل العاشقين)

اتمنى اني كفيت ووفيت

انتهى

2482008