أسّين ياقلبٍ

أسين يا قلبٍ له سنين وشهور
ما ذاق طعم الراحه اللي اتطرّا

لولا ضلوعٍ حدّته داخل  الزور
خطرٍ عليه يزوع ويطير  برّا

نصبر على ضيم المقادير والجور
وبالعزم نحسب للفرج  ونتحرّا

لا بد من عقب الدجى ينبلج نور
ويفتح لنا صفحه من الوقت غرّا

الوقت ما يبقى على حال محصور
لا بد له من يوم يفتر فرّا

غير البقى للطيب والحال مستور
فعل المكارم منهجٍ ما يذرّا

ما ينحجب ذكره ولا هو بمذخور
عند الوجيه اللي لبيعه تشرّا

وفعل الفتى لي صار ماهو بمخبور
لابد  له ساعه  ومنه  يتبرّا

بين الطبايع والتطبّاع دستور
فرقٍ ما بين المكتسي والمعرّا

شهادةٍ  بالحق  ماشابها الزور
تكشف خوافي من عليها تجرّا

ماينطح دروب الخطر والصعب ثور
فوق  القرون غبار قرنه يثرّا

ماهو بينطحها سوى كل منعور
صميدعٍ قد هو عليها مضرّا