بان الوفاء

بان الوفاء وحسابك اليوم مكشوف
خابت ظنوني عقب ماكنت راجي

ماعاد لاسمك في حياتي سوى صروف
وماعاد له نغمه تزيد ابتهاجي

حبك بدنياي غدى اليوم محذوف
مابه من الذكرى يعدل مزاجي

والحب لاجلك صار بالقلب معيوف
كانه على دنياك خط ازدواجي

لاهو منى قلبي ولاهو بمهدوف
مابغاه لو يروح طب وعلاجي

قضيتي في حبكم.حكم موقوف
في ذمة التحقيق ولا من فراجي

والحب دنيا وللمحبين معروف
بسمه امل مرسومة(ن)بالحجاجي

مسكين ياقلب(ن)غدا معك ملهوف
متصورك تمثال حب وملاجي

شي انتظرته منك .ياحول متلوف
غطى على جوه هبوب وعجاجي

عرفت ان قلبي غدا بيد ملقوف
مشي بوجه الموج من حيث ماجي

كنه بوسط السوق دلال مبسوط
يميل مع سلعه عليها الرواجي

والخاتمه دنيا بها حظ وسعوف
ويالله حسن الخاتمه والخراجي

عواد الهران