أبو محاله !

ياعين طال السهر واليوم عدا سبوع
‎اشوف عين الوحش في ذبلت اجفانها

ماني بخابرك من ميلات وقتك جزوع
‎خابرك تكبح جماح النفس برسانها

جيت اتقاسم معك همي على راس كوع
‎قسمّت وفى بعد قرتّ لي بميزانها

الليل يا جرح بقعا ما لقيتي قنوع
‎راح اشكل الليل و انتي عند بيبانها

الكلمه اللي تجي لحظة زعل لو تروع
‎لاجات عند الحليم يفرّق اوزانها

يفسح لها الصدر لو ظاقت عليها الضلوع
‎وليا عجز يحتويها . يقطع السانها

قد قالها شايبي : حذرا تخاوي طقوع
‎لا تامن اللي بغفله حدت اسنانها

ابو محاله يثوّر ، فالجذع و الفروع
‎من خلقته حبّته ، ما قرّ نيشانها

الكم عليه سلام لجل ما صبح قطوع
‎و خوفن من اللي شماتتها على السانها

ولا تحسبني على عذرك ابظما واجوع
‎طويت صفحت كتابك لجل نسيانها

و لا بغا عذر منك في شين السنع و الطبوع
‎النفس طابت و عاف ادواك مرضانها

دمدمت جرح الليال ، اللي بصدري يروع
‎وصدرت صك القناعه وقت شيطانها

#فهد__المنصوري