العلاقه معك صدقني تراها ما تطمّن

الرفيق اللي يخاوينا لعلمك ( ما يثمّن )
ان لقيته لا تشاور فيه أحد طعني وخاوه

ما نخاوي غير قرمٍ فالعرب طيبه يسمّن
أبلجن مفتوح بابه … في تراحيبه حفاوه

وانت يا اللي خلفنا تمشي على الجرّه ، ولمّن
نلتفت صوبك تصد وفيك من طبع القطاوه

العلاقه معك صدقني تراها .. ما تطمّن
بينك وبين المراجل مشكله مدري عداوه

تشبه لموتر غشيم وصاحبه ما هو مأمن
منصدم مع كل جنب وطارته فيها فضاوه

فهد المنصوري