السما ليه زرقه ؟!

اللي بيسال/ السما ليه زرقه ؟!
... يسال / حبيبك ليه ساكن بالاعماق !

ولو صاب قلبي بعض الاحيان حرقه !
... نكد مليك القلب للقلب حراق !

دام انعكاس الضو للبدر سرقه ؟!
... فانا انعكاس لفرحه / الفين سراق !

هذا الذي .. ياهوه اشرق بشرقه !
... يزعل انا ازعل فيه .. واروق لاراق !

تمكن من القلب من دون طرقه !
... وغيره .. على باب المعاليق طراق!

يلوح في جوي سحابه وبرقه
... وقلبي بدوي .. لامطاره اليوم تواق !

كانه بحر ..؟ مشاعري فيه غرقه !
... ودعواي .. ماتنجي يارحمن مغراق !!

لاشفته تصيب المعاليق زرقه !
... ماكن قلبي الا طبول(ن) وابواق !

حبي لحبه مثل عرق(ن) لعرقه !
...يوم التوت اعروقنا بحب وعناق !

قولو محبتنا ماهي مثل خرقه !
...على هبوب لعاذل الحب تنساق !

وياللي تنشد ؟ السما ليه زرقه ؟!
... مدري حبيبي ليه ساكن بالاعماق !