المرجلة

لـ ، ، في الحكمه والنصح، آخر تحديث :

المرجله ما هي شجاعة بلا طيب
والطيب مايحتاج مال وشجاعة
والمال ماله بالكفن محزم وجيب
غير العمل راعية ماله بضاعة
والعيب ،، ماهو بس عند الأجانيب
العيب عند أصحاب و أهل وجماعة
احفظ لسانك والادب ، يستر العيب
واكسب من الدنيا صلاه وقناعة
مافيه رجلاً ما سطا بعارضه شيب
الا وجرب ،، غدرها و التياعه
والي على ربعه يدور عذاريب
يرقص على طبلاً يحب استماعه
من كثر ماهو فاضياً للمطاليب
حتى بحلق اخوه حطّا ذراعه
تقصر مرامي هافي العلم ويخيب
ثوبك لو بكيفه على الناس باعه !!
ولا ينكر المعروف راع المواجيب
ان طبت له يحفظ جميلك وداعه
شرواه لا من هد يكسب كما الذيب
رجلاً يلبي حاجتك .. ب اندفاعه
اللي اليا جيته يجازيك ترحيب
ولا أخطيت يستر غلطتك في شراعه
هذي هي الدنيا دروس وتجاريب
والناس ما تملكْ بضحك و لكاعة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين