الغربة ومرارا

لـ محمد بن اسماعيل، ، في السفر والاغتراب، آخر تحديث

الغربة ومرارا - محمد بن اسماعيل

الغربة ومرارا
الليلة حسيت بالغربة ومرارا
وحيد في جوفا اصطليت بي نارا
دربا مشيتو مغصوب باختيارا
نفسي جارت واختارت قرارا
العشرين عديتا بي ليلا ونهارا
ولسة بحلم بي جبالا وانهارا
السنين شابت واتساقطت ازهارا
والاشجار الراسية ما بتهاب اقدارا
اشتاقت للخريف وطال انتظارا
والخريف فاض وغمر اعمارا
كانت تحلم بي لحظة تكحل انظارا
تبقى زادا وتعطر مزارا
الغربة قاسية وعالية اسوارا
والمحبة الصادقة ما بتموت اسرارا
وانا البعيد غريب الدارا
برضي قريب بعاندا الزمن الدارا
وبتحداه لو يعيدا تكرارا
زي اهلي ما بتكرروا مرارا
وين ألقاهم الهبو فرارا
للجنة سافروا
تبقى ليهم يا الله قرارا
© 2024 - موقع الشعر