رحت اداوي ضروسي

رحت يم الطبيب اللي يداوي ضروسي
قال ضرسك عليل ٍ ما يفيد الدوابه

قلت شكواي للي عالم(ن) بالنفوس ِ
وحده اللي يداوي من شكى والتجابه

شافني هز راسه بالقلم لي يحوس ِ
قال هذا علاجك لين يخف التهابه

قلت فيني ضغط ٍ دايمن بي يدوس ِ
وسكر ٍ وسط دمي ربي يكشف عذابه

استدار عني وقفى هذا وانا بفلوسي
وده يجمع رصيده يرتفع به حسابه

للاسف صار دوايه كاتبه ابلا يقوس ِ
ما يناسب جسد لي مثل طبه اكتوى به

قلت غير علاجي يالطبيب العبوس ِ
وافرد حجاج وجه ما يعرف الحبابه

قلت ارحم مريض من الألم معفوس ِ
واذكران الله شايف واتقي يوم عذابه