ياشاعر الويلان

ياشاعر الويلان بالقلب والعين
مبطي مكانك بين هذا وذيّه

نحفظ قصيدك من زمانٍ وللحين
من قبل لانعرف تويتر وخيّه

من قبل نور الدين والفارس ألفين
ليته سمع شورك شراء فيصليّه

ومن قبل لانسمع قصيدك بالأثنين
تصادمو والكل يلعن خويّه

بالمختصر نعشق قصيدك من سنين
من قبل عصر النت والعولميّه

لكن يابوموسى ترى تويتر زوين
لو كان جالك من تويتر أذيّه

أحرص عليه..لعيون جمع المحبين
وأنت الوفي اللي سلومك وفيّه