ماتغربيناش

لـ جمعة سعيد، بواسطة جمعة سعيد، في السفر والاغتراب،


التقييم 5/5
ماتغربيناش
ما تغربيناش ولا تاخدينا
وتتوه وياكى خطاوينا
وان حلمنا طالت ايامه
هنكمل هنا مع بعضينا

* * *
من غير غربه من غير احزان
من غير مايضيع فينا الانسان
الليل لو طال النور هيبان
وهترسى فيوم وترسينا

* * *
وهانصبر ونقولك ماشى
لو نتعب برضه ما يجراشى
ده املنا فبكره اللى مجاشى
اكبر لو حتى تعاندينا

* * *
راح نسبق على طول ايامك
علشانا وطبعا ، علشانك
وهنوصل ، ونكمل تانى
وهتيجى بفرحه تضمينا

* * *
كلمات / جمعه سعيد

https://www.alsh3r.com/poem/44009



تبليغ عن مشكلة في القصيدة