العجوز

لـ جديع الملعبي، ، في غير مُحدد

العجوز - جديع الملعبي

العجوز اللي نوت تصبح عروس
حلم كل انسان يحلم بالهنا

الخطا يوم احسبت شمس الشموس
ان عاشقها ومغرمها أنا

العمر صرفه مثل صرف الفلوس
ماتحسه لين يلحقك العنا

والزمن خلى مقاريده تحوس
لين ضاعت فيه وأمحاها الفنا

من عرفنا العلم والدنيا دروس
تاخذ اللي تاخذه منا لنا

زالت الغمه عن الوجه العبوس
والله اني من عناها في غنا

افرح نفوس وازعلي انفوس
واهدم المبطي واجدد بالبنا

من بغى صعد العلا عاف الجلوس
ومن بغى يجلس بلا عليا فنا

لعنبوا من يستريح ولايدوس
المصاعب لين يذكرله ثنا

المراجل فوق روس وتحت روس
ومن زرع من نفس مزروعه جنا

باخذ الراحه عقب هم الدروس
واسترح ياقلب من كثر العنا

© 2024 - موقع الشعر