الله يبيحه

العام كُنا صادقين النوايا
ماهمنا بعْد انتلاقا ولاشي

اشتاق له وهو معي بالحنايا
ويشتاق لي ويدينه براحة ايدَي

كنا اذا صدفه القطتنا المرايا
انْحِس ماربي خلق زينا زي

نرجع ثواني ونْتأمل مزايا
فينا بريئه وطيشنا قمة الغي

أذْكر قبل م قْفي يزيد الوصايا
وادري هدفه الرسمي اطَوّل شوي

اغيب وعيونه تناظر خِطايا
ولسانه يتمتم يارب احفظه لي

وان جيت نستني كثير التحايا
كل التعب ياحي هالزول ياحي

من كثر ما آحِبه نسيت اصدقايا
حتى نسيت امي وابويه وماضي

استغفر الله من عظيم السّويا
واستغفر الله يوم بالغت في ذي

مدري جهل مدري حداني وفايا
لكن هذي قطره وبَحْرَها (فِيْ)

واليوم. م ملك غير صمت وهدايا
وجرح الحنين اللي طوى حالتي طي

ايوالله احبه وانا ادري منايا
مثل السراب اللي انتحل صورة المي

ودعته اللي عالمٍ بالخفايا
والله يبيحه كل ماصابني شي