يا ابن آدمٍ مالك وصية على النّاس

يا ابن ادمٍ ما لك وصية على النّاس‬
‫أنصح ومن يبغى النصيحة يدله‬

‫لا يترفع ضغطك ولا تصير حساس‬
‫لا جنبوك أو قيل لك انت عله‬

‫أصبر على كثر الأذى واحذر الياس‬
‫الصبر عند الله به الأجر كله‬

‫ الناس له افكار واديان واجناس‬
‫فرّقهم الله ما جمعهم بمله‬

والناجي اللي من قبل كتم الانفاس
مؤمن بربه والنبي تابعٍ له

ما طاع في دينه وساويس خناس
من الجن والا من البشر مصغيله

على دروب الخير للخير عساس
والشر ما ياتي طوارف محله

اليا ذكُر اسمه دعوله من احساس
بالخير يدعى له ولا احد ٍ يمله

ماهو من اللي مكسبه بنك الإفلاس
تلقى حسناته كالجبال المطله

لكن يسفك دم من قوة الباس
ويضرب وياكل مال من غير حله

ولسانه اللي يبترم مثل الامواس
يقذف ويشتم والأذى سيمتله

توزع اعماله عليهم بمقياس
وان فنيت أعماله به الرجل زله

بالنار، هذا بالاحاديث له ساس
رواه مسلم في صحيحٍ نقله

بيومٍ عظيمٍ والعدل فيه نبراس
الناس يقضى بينهم بالادله

واللي يحسب انه مخلد من الناس
الأنبياء قبله خُلد ما حصله