الاناسة والسرور

الحمد لله العظيم الواحد الرب الغفور
مقدّر الاقدار علام الغيوب المستعان
 
على نعمه اللي ما تحصيها الصحايف والسطور
نثني عليه وْ نحمده في كل حال وْ كل اوان
 
واهلا هلا يامرحبا بافضل شهر بين الشهور
يامرحبا واهلا وسهلاً فيك ياشهر رْمضان
 
مستقبلينك بالحفاوه والاناسه والسرور
وْ مستبشرين مْعَ قدومك بالفرح والامتنان
 
بك تجتمع كل الفضايل والسعاده والحبور
ما بين صلاه وْ صيام وْ ذكر و تْلاوة قران
 
تصفد بْك الجن وارباب المعاصي والشرور
وتوصد بك ابواب الجحيم وتفتح ابواب الجنان
 
ياللّه تقبل صالح الاعمال وتزيد الاجور
وبجاه وجهك نلتجي يارب من دار الهوان