اعداء النجاح

لا تْقول انا صادق واقول الصراحه
ترا الصراحه بعض الاحيان ما تْقال

جامل ولو ان المجامل وقاحه
لكن تنفك بْه من شر الانذال

قد قالوا اصحاب النهى والسماحه
ما كل ما يعلم من العلم ينقال

وحتى في الشرع المطهر مساحه
ما قيل في حالٍ ما ينقال في حال

والسانك بْسجنه لا تطلق سراحه
قفّل عليه الباب واختم بالاقفال

وْ لا يخدعك من يدعي بالفصاحه
اعرف مقام الرجل ما دمت رجال

ما يكثّر اعدا الناجح الا نجاحه
علمٍ صحيح وْ ما يبي شرح وجْدال