رجل يربي شعر راسه كما البنت

بدعت قيفان القصيده وبرهنت
عن واقع احساسي بجزلات الامثال

روابعٍ لجّت براسي ودوّنت
ما لاق بالافكار عن بعض الاشكال

وركّزت بارماح القصيده وقننت
على الهدف واقول واشهر بالاقوال

رجلٍ يربي شعْر راسه كما البنت
لا تحسبه رجال ما هوْ برجال

شطّب على اسمه ان قدرت وْ تمكنت
لا تقدّمه يا مسندي بين الابطال

خلّه مع اشباهه هل التتن والكنت
لاكاسبٍ شيمه ولا حاميٍ جال

في واقعه لامن تبصّرت وامعنت
تلقاه ما يسوى على قولك رْيال

ينهان تحت الحد . والا انت لا هنت
يامن تصون النفس عن درب الانذال

اقولها لك انت ايه انت ثم انت
يا صامل الوقفه وياذرب الافعال

تشير لك كف الوفاءْ وائن ماكنت
بْعزّ وشرف يا معرّب الجد والخال

بالطيب في روس النوايف تمكنت
ترقى سنام المجد وعلومك اجزال