موجز الضيق

جديدي في صحيفة بث
ماعاد في هذا الزمن قلب منصوح

ولا عاد به رفقه وقربه وآهالي
اليوم وصلك لاغدى دون مصلوح

ماتنظرك عين القريب الموالي
اما احتمل صد الجفا بقول مسموح

والا اطلق الاقدام عنهم عجالي
شفني غريبة دار والهم ساموح

يلج في صدري سوات الرحالي
ضميت حزني والعذر وين باروح

صبري عصاتي للحمول الثقالي
اشكي على حالي من الحال وابوح

لليل : لادلهم سواده وطالي
لا حانيٍ انخي به الروح للروح

مقطوعةٍ مالي عمام وخوالي
يابو سعد ذا موجز االضيق مشروح

مكتوب في صفحات دمع الليالي
شعر/غزيل سعد_الملتاعة