للجمال أوصاف ولحسنك وصوف..

ياأكسجين الشعر ملهمة الحروف
إنتخيت بهاجسي ومغِير جاك
كل حرف وكل بيتن بك يطوف
ياوريثة جين يوسف في حلاك
للجمال اوصاف ولحسنك وصوف
ما أملكتها كل زينه يا ملاك
من ورى نجران لأطراف الهفوف
انتي الاجمل وحيده في سماك
اربعينك فالشبه دون الوصوف
كلهم بالزين دونه مستواك
من يشوفك ضم وجهه بالكفوف
لو من المسجد وهو طالِع رآك
كن عينك فارس ورمشك سيوف
توُرد القلب الخضَر يم الهلاك
و ثغرك الفاتن به الشهد امغروف
ومنظر الحمره طبيعي في شفاك
وشعرك الناعس على جال الردوف
تستثيره كل خطوه من وراك
كل زينات العرب على الرفوف
في حضورك جعل هالدنيا فداك
ولا اختفيتي.. صلوا العالم خسوف
من شبهك البدر فالزين وضياك
ياعساه الحظ وكتاب الصروف
يكتب الباقي من انفاسي معاك
بعدها تعمى عيوني ما تشوف
من بنات الارض يالزينه سواك
.
أحمد الخواري