تعكّر جوّي

كل ما .. تعكّر جوّي .. يالصدْر .. الكُتوم
آزمت .. أجنّب .. م البشر .. ملقوووفَها
مالي ترى بااارض .. اساير لي .. رخوم
ان مرّت بدربي .. اللئاااام .. آطوووفها
ولاّ الرجل لامن تردّى .. ما تروووم
تستَحمِلِه نفسي .. ما بين .. اضيووفَها
لو ماني َ الشاعر .. مِنَ السادة .. القروم
لا كنت سايرت الردايا .. ف خوووفَها
وانتي الحبيبة .. الليّ أقاسمها الحلوم
أحطّ قلبي .. مطمئِن .. ف اكفووفَها
في شدّة الأيام .. لك صدر ٍ .. رحوم
حبيبتي ما أجحد في يوم .. معرووفَها
من نعمة الله انيّ .. أشوفك .. كلّ يوم
يا رب لا تحرم .. عيوني .. شووفَها
و من نعمة الله انّ المحبة .. لك تدوم
رغْم الحياة .. الليّ أقاسي .. اظروفها
و من نعمة الله صوتك يزيح .. الهمووم
و أصواتِهم .. وقت البلايا .. آعوفها !!