حدتني الدنيا اودعك وابكيك
الموت حل وماعاد باليد حيله
البوح ينثرني معاناة واشكيك
لحروف شعري والدموع الهميله
انا ولهت لضحكتك يوم احاكيك
واحلا سواليفك في وقت المقيله
صوتك ونظراتك ولمسة اياديك
وياما تحملت الهموم الثقيله
يهل دمعي كل ما حل طاريك
الشوق مايرحم ولا فيه حيله
انام واحلم بك واصحى اناديك
والله من افراقك جروحي عليله
تنبض بقلبي والله ماني بناسيك
حتى ولو مرت سنينن طويله
الشوق زايد والقلم قام يرثيك
وقصايدي ف وصف مثلك قليله
كل الخصال الطيبه عشتها فيك
شيخن تميز بالكرم والفضيله
مرحوم ياللي كل الاجواد تغليك
ي اللي فراقه هز كل القبيله
اسمع صدا صوتك واذكر لياليك
ماباقي الا الذكريات الجميله
ياقبر جعل المزن لامر يسقيك
يروي قبر غالي ذبحني رحيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.