قلبي معك

فارقت ذيك المشاريه الحياه
و الكلام الزين عيّا يقنعگ

ويش اقول لعاذلٍ هذاه حكاه
شفت عن علمي ما قلت بيخدعگ

فرحته في قصتي فرحة نجاه
و هي قبل عنوانها ما اروعگ

و السهر ما عاد له بعدك طراه
من بعد ما كان فيني يجمعگ

كنّه يقول انت وش جابك بلاه
و كنّه يقول ان تركته ما اسرعگ

كنت تسمعني و عقلك في غباه
و الاّ انا كنت افهمك قبل اسمعگ

انت مثل اللّي بغى شي و لقاه
تحسب انّي صرت ابد رهن اصبعگ

قلت لي بروح عنك و قلت لاه
مستعد لكل شي لأجل امنعگ

صاحبك زود الغلا قلبه غلاه !
لو بترجع قال لك وش رجّعگ

والجفاء لو اعجبك تلقى جزاه
لا انتهى بفراق خلّه ينفعگ

و كل غايب قالوا ان عذره معاه
الا انت بغيبتك قلبي معك