عيد الوطن

‎الوطن عاد عيده والسعد بادي
‎والناس هلت وحيت موعد وفوده

‎عيد اتحاد الوطن تاريخ وامجادي
‎اسمى المعاني العظيمه فيه موجوده

‎وحده بدت شمسها من فوق الاشهادي
‎زايد لها قام والله جمل جهوده

‎حتى رفعنا العلم والوانه جدادي
‎اربع ألوان مختارات مقصوده

‎الأحمر مواضي والأخضر بالهنا سادي
‎والأبيض صنايع والأسود تشهد حدوده

‎حتى أصبحت منوة اللافي مع الغادي
من طيب زايد وتفكيره ومن جوده

‎أفنا حياته لنهضتها والأسعادي
‎ولصيتها كم وقف وقفات مشهوده

‎يالله تجازيه في الجنه بما رادي
‎كريم تجزي كريمن يوفي وعوده

‎واليوم بعده خليفه للوطن قادي
‎قاد المسيره وله وقفات محموده

‎حاكم حكيمٍ محنك فكر وقيادي
حامي الحمى لا احتما هو قايد أسوده

‎شكرا خليفه على التلفاز والرادي
من كل دولة تجي وتمجد جنوده

‎ومن اليمن يوم فاض السيل فالوادي
فزعه كبيره لهم ماهي بمجحوده

‎كل الدول تشكره واعلامها ينادي
‎يدعون بالعافيه والصحه تعوده

‎واليوم ياشيخنا في عيد الاعيادي
‎شعبك يهنيك به ويجدد عهوده

‎والبيت متوحد وشانيه لا عادي
واهل الفتن دونهم الأبواب موصوده

‎هذا وخالص تحايانا من فؤادي
‎ما لاح برق القنوف وحنت رعوده

‎بالعود والند والكمبود والكادي
‎وعطر الزهر لا نبت والزرع ووروده