السفر

لجل السفر:كلمه لمن يسمعوني
(ياليت ايام السفر كالاجازات)
 
واقول للي بحبهم صارحوني
مني سلاماً مع كثير التحيات
 
ناساً:اقول ابحبهم الزموني
وانقاد قلبي معلناً كل طاعات
 
بتيارهم ياسرع ماروضوني
ياجاذبيه مثل مفعول وصفات
 
عالم حقيقي بيه هم بادلوني
ماكان مبدا تسليه او هوايات
 
حب وتفاءل مع امل شاركوني
ايام كانت من حياتي هنيات
 
وافكار قالت:كنهم مانصفوني
معقول حقي صار ماله ضمانات؟
 
دنيا لها قانونها صدقوني
اقدار.مايفرض عليها قرارات
 
مافيه مخلوقاً عليها يموني
اسرار غيباً ثم علم الخفيات
 
ولكل كائن حي مهما يكوني
ياس ورجاء.مابينهن دوم جولات
 
وكان السفر:والينهم عذبوني
وتبدلت ايام كانت سعيدات
 
تغيرت دنياي وانكرت لوني
والعقل تركيزه غدا بيه شبهات
 
البعد ناراً ثم به ولعوني
ماعاد يطفيها البحر والمحيطات
 
حال القدر مابينهم ثم د و ني
وياحالتي (يوم ابعدوا بالمسافات)
 
عالم سفر مجهول به وردوني
عالم كبير وجاداته طويلات
 
ياليتهم قبل السفر علموني
لو هو حصل انا اعتبره اعتذارات
 
ولي امنيه..لو انهم وادعوني
(وقالوا سفرنا لاتظنه نهايات)
 
يكون بارق من امل (يرجعوني)
واقابل المجمول بكلمة سلامات
 
ويبقى امل بانهم يذكروني
حيث انهم للقلب مطلب وغايات
 
وترد روحي لي رد الغصوني
يومن يجيها وابلاً من مخيلات
 
وياونتي ونة صويب العيوني
سهوماً تصوبها عيون الجميلات
 
ماله دفاعاً غير قول ارحموني
مستسلماً رافع اعلاماً ورايات
 
عواد الهران