حلّ الظلام وخيّم الليل وامسيت

حل الظلام وخيّم الليل وامسيت
ارجي متى لوجه الصباح انبلاجي

يا غايبٍ عنّي وانا كل ما اوحيت
اسمك يبيّن على وجهي احراجي

انا بدونك حيّ في واقع الميت
بيّن لقربك يالبعيد احتياجي

ما تدري انك كل ما غبت وابطيت
يضيق خلقي ويتعكّر مزاجي

وانك بعد غيبتْك ياغبت ثم جيت
صرفت ل اوجاع الغياب العلاجي

قل لي بقلبي يالغلا ويش سويت
هو ليه ما يضحك لغيرك حجاجي

بيني وبينك كل ما اشوفك اقفيت
يولّع بصدري فتيل السراجي