اهداء لاخي وزميلي الوافي/محمدبن مصلح بن مطلق الرفاعي الغامدي

اسرج خيول الشعرونقاء الجواد الاصيل
من شان اجيب الشرايد واتنقالها

خيول شعري في الميدان تصهل صهيل
يهنالها جوي الرايق ويحلالها

انقاء جزال الشعروالنار راس الفتيل
هجوس شاعرغني ماشوش ارسالها

امدحبها صاحبي ياجعل عمره طويل
الي علوم المراجل دوم يسعالها

بوخالد الكيف والسيف الصقيل السليل
شروا محمد سواد العين منزالها

محمد الي مادور عن محمد بديل
حتى ولو قيل كل ابلاد برجالها

راع الكرم والوفاء شرواه والله قليل
الاوله لو على متن السحب طالها

حليم لكن في الشدات سيفاً صقيل
يوم المراجل تباري له ويبرالها

ابوه مصلح سقاه الله من سلسبيل
انجب رجالاً يشوش الراس لفعالها

صالح ومطلق وعبدالله مافيهم ذليل
وسعيد كنه سعد جعل السعد فالها

يتوارثون المراجل جيل من بعدجيل
روساً تقادح شراروتثبت اقوالها

ذولاء رفاعه هل الوقفات واهل الجميل
ونعم رفاعه رجالاً تحتمي جالها

لاجيت ناصي رفاعه تطلب المستحيل
تذلل المستحيل وترخص اموالها

قبيلةً مايربون الردي والبخيل
من حده الوقت ينصاها ويعنالها

بقيادة ابن جمل شيخاً وضله ظليل
ماهو من الي غدت ماظلل اظلالها

وصلاة ربي عدد ماهل منشى المخيل
على محمد عدد ماهل همالها