انزال جوي .!!

ماصفى جوك ولا صفّيت جوي.
شاعرك رغم العباطه له مزاجي.!!

مطلعٍ جبته ..... ومن دمه تروي.
سافري بالفكر لو ثار العجاجي.!!

ليلةٍ ... والعود من ضوك لضوي.
اشتعل وجه القفا ولّع سراجي.!!

حمرةٍ في خد ليلك.! لي تضوي.
علمتني ... كيف توقيت العلاجي.!!

استجن الوقت لكن ويش اسوي.
شفتها ... بين اهتزازٍ وارتجاجي.!!

عقرب الساعه تنحنح قلت توي.
ليلنا .... ماعاد فيه الاّ اندماجي.!!

ياسحابٍ ..... جامعٍ نوك ونوي.
قام يرزم .. بين خدك والحجاجي.!!

ارتوينا عن طريق انزال جوي.
واحتياجك ذاب في بحر احتياجي.!!

للمحبه ناس يحرقها التروي.
علّم اللي .. عاش حزنٍ وانزعاجي.!!

مايعيش الحب في وجه متلوي.
والحقيقه .! ماحرقها الاحتجاجي.!!